Mobi-ն նշեց իր ծննդյան 2-րդ տարեդարձը Խարբերդի մանկատանը՝ հավատարիմ մնալով իր սոցիալական պատասխանատվության ռազմավարությանը: Mobi բջջային հավելվածն այս տարվա իր տարեդարձը նշեց մտավոր և ֆիզիկական խնդիրներ ունեցող երեխաների հետ: Mobi-ն միշտ կարևորել և կարևորում է սոցիալական հարցերում իր լուման ունենալու հարցը:

-Այն ռեսուրսները, որոնք պետք է ուղղվեին տարեդարձի միջոցառման կազմակերպմանը, մենք ճիշտ համարեցինք օգտագործել լավ գործ անելուn: Մեր ողջ թիմի համար կարևոր է այսօր գտնվել հենց այստեղ:

Երեխաների ուրախությունը և անկեղծ ժպիտները մեզ համար լավագույն նվերն են, - նշեց ընկերության տնօրեն Վարդուհի Թորոսյանը: Նշենք, որ Mobi-ն մոտ ապագայում պլանավորում է նոր սոց. նախագծի մեկնարկ, որի նպատակը կլինի աջակցել մանկատան սաներին և անապահով ընտանիքների երեխաներին՝ ծանոթանալ նրանց խնդիրներին և փոխանցել այն միտքը, որ այս երեխաները հանդիսանում են հասարակության լիարժեք անդամ:

Հիշեցնենք, որ ընկերության կողմից նախկինում ևս կազմակերպվել են տարբեր սոցիալական նախագծեր:

Օրինակ այս տարի, Մայրության Տոնի առթիվ Mobi-ն, անվճար տեղափոխում էր զինվորների մայրիկներին դեպի Արցախ, իսկ երեխաների պաշտպանության օրվա առթիվ Mobi-ն նվիրում էր երթ բոլոր նորածիններին և իրենց ծնողներին:

{gallery height=115 crop=1 maxcount=115}event/mobitaxi2years{/gallery}