Ապրիլի 10-ին ամենաշքեղ Prime Hall-ում կայացավ Kids Fashion Day նախագծի ԳԱՐՈՒՆ-ԱՄԱՌ 2019 ցուցադրությունը: Այս անգամ այն անցկացվեց 2 ժամային հատվածով` հանդիսատեսին ներկայացնելով մայրաքաղաքի լավագույն բրենդային հագուստ֊սրահների և հայ դիզայներների տեսականիները, ինչպես նաև գեղեցիկ շոու ծրագիր՝ տարբեր արտիստների և մոդելների մասնակցությամբ:
Առաջին հատվածում ցուցադրությունը սկսվեց նախագծի մշտական գործընկեր ֆրանսիական Choupette բրենդի ոճային լուքերի ցուցադրությամբ, ապա շարունակվեց Monsoon, Royal Kids խանութ-սրահների, ինչպես նաև Elcano և Tetta Kids հայկական ապրանքանիշերի նորաձևության ցուցադրություններով՝ ամենաթիթիզ և ամենագեղեցիկ մոդելների մասնակցությամբ: Շոու ծրագիրն իրենց կատարումներով էլ ավելի գեղեցկացրեց մոսկվայաբնակ տաղանդավոր երգչուհի Մարգարիտա Օգանովան, պարուհի Մարի Ղազարյանը և իհարկե հրաշք փոքրիկ երգչուհիներ՝ Ալվինա և Մարիա Ադամյանները:
Ցուցադրությունը գրագետ ու շատ գեղեցիկ վարեց գեղեցկուհի Ստելլա Բաբայանը:
Ինչպես նշեցին կազմակերպիչներ Ռուբինա Գրիգորյանը և Կարմեն Ղազարյանը, նախագիծը բացի այն, որ շատ կարևոր գործառույթ է իրականցնում. ներկայացնելով քաղաքի լավագույն մանկական բրենդային խանութ-սրահների հավաքածուները` հեշտացնում է շատ ու շատ զբաղված մայրիկների գործը, քանի ու նրանք կարողանում են տեսնել թե, որ խանութ-սրահներից ինչպիսի գեղեցիկ լուքեր կարող են ձեռք բերեն իրենց երեխաների համար, այն նաև իրական տոն է դառնում մասնակից երեխաների համար, ովքեր կտրվելով առօրյայից նախ գեղեցիկ ու ճիշտ դեֆիլեի են տիրապետում նախագծի մասնագետներ Մարիկա Թունյանի և Նարե Զաքարյանի մոտ, ապա դառնում շքեղ ցուցադրության գլխավոր հերոսները: Նախագիծը այնքան է սիրվել, որ օր օրի հետաքրքրվողների և գործընկերների թիվը աճում է: Իսկ հիմնադիրները նախագծի հաջողության գրավականը համարում են իրենց և ողջ թիմի սրտացավ ու բարեխիղճ աշխատանքը:
Համագործակցության համար հատուկ շնորհակալություն Cataleya Wellness Club-ին և Avtandil բրենդային խանութ-սրահին:
