Ուրբաթ երեկոն հաճելի անցկացնելու գրավականը մեզ համար դարձավ սիրված երգչուհի Զառա Մարկոսյանի հրավերը Մայրիգ ռեստորան։

Իսկ հիմա ավելի մանրամասն. Ամիրյան 4/6 հասցեում գտնվող նորաբաց Մայրիգ ռեստորանում սիրված երգչուհի Զառա Մարկոսյանը ներկայացավ սուպեր համերգային ծրագրով. հաճելի երաժշտություն, կոլորիտային մթնոլորտ, համեղ ուտեստներ և անմիջական շփում։ Այն որ երգչուհի Զառային լսելը միշտ է հաճելի, դա շատերը կփաստեն, բայց որ այս անգամ այդ հանդիպումն առավել տպավորիչ էր, դա միանշանակ։ Ի դեպ, ինչպես երգչուհու հետ զրուցելիս պարզեցինք, տեղի ընտրման հարցը պատահական չի եղել. հրավեր ստանալով Մայրիգից, երգչուհին մեծ սիրով ընդունել է հրավերը` ծանոթ լինելով ռեստորանի ստեղծման պատմությանը։ Իսկ ռեստորանի ստեղծման պատմությունն այսպիսինն է. Մայրիգի հիմնադիր Ալինը, բացելով այս ռեստորանը, ի կատար է ածել իր հայրիկի փափագը` կենդանություն տալով իր տատիկի բազում ավանդական ուտեստներին, բացառիկ բաղադրատոմսերին, որոնցից այսուհետ կարող են օգտվել բոլոր ցանկացողները ոչ միայն Դուբայում, Մոնակոյում և Բեյրութում, այլ նաև Երևանում։ Ի դեպ, շուտով Մայրիգ ռեստորանի անուշահամ, հայ ավանդական ուտեստները կկարողանան գնահատել նաև Ֆրանսիայում և Ռուսաստանում։

Ի դեպ, Զառա Մարկոսյանը հիմա աշխատում է իր երկրորդ ձայնասկավառակի վրա, կարճ ժամանակ անց Դուք կկարողանաք լսել հին հայկական երևանյան երգերը երգչուհու ուրույն մոտեցմամբ։