Վերջերս տեղի ունեցավ <<Ֆիլիպ Մորրիս>> ընկերության կողմից անցկացվող <<Women Talks>> նախագծի մեկնարկը: Միջոցառումը Կանանց 50 երանգները խորագրի ներքո է, որտեղ ելույթ ունեցող կանայք բացահայտում էին կանացիության որևէ երանգ՝ նորարարության, նորաձևության, բիզնես, բարեգործություն, հաջողությունները՝ ընտանիքի հետ համադրելու արվեստ և այլն։
Նախագծի առաջին հյուրերն Էին երաժիշտ Սոնա Ազարյանը և բանաստեղծ, նկարիչ Մարգարիտա Գևորգյանը, ովքեր ներկայացրեցին իրենց <<50 երանգները>>: Ելույթ ունեցող կանայք անկեղծացան, կիսվեցին իրենց կյանքի պատմություններով և կայացման բանաձևերով։
<<Women Talks>>-ը միջոցառումների շարք է, որի մասնակից կանայք խոսում են իրենց հաջողության պատմությունների, ինչպես նաև ժամանակակից կնոջ առջև կանգնած մարտահրավերների մասին: Սա կարևոր քայլ է Հայաստանում կանանց ձայնը լսելի դարձնելու համար, իսկ մասնակիցների համար ինքնաարտահայտվելու յուրահատուկ հնարավորություն և սեփական գաղափարները, ծրագրերը տարածելու հարթակ:
Միջոցառման մասնակցությունը բաց է, կարող են մասնակցել բոլոր կանայք՝ հատկապես IQOS-ասերները: Ծրագրի նպատակն է առաջին հերթին նոր մարդկանց բացահայտումը և միաժամանակ միմյանց հետ շփումը, ծանոթությունն ու միմյանց պատմությունները լսելն ու ընդհանուր եզրեր գտնելը:
Կազմակերպիչները վստահ են, որ մտքի ու գաղափարի ուժը կարող է փոխել աշխարհը՝ դարձնելով այն ավելի լավը։ Այս նախագիծը հենց դրան է միտված:
