Համաշխարհային սպասարկման ոլորտում նոր թրենդ է հայտնվել: Ժամանցի տարբեր վայրերում հենց մուտքի մոտ կարող եք հանդիպել ցուցանակներ՝ IQOS Friendly գրությամբ: Սա նշանակում է, որ տվյալ ռեստորանում, հյուրանոցում կամ ժամանցի վայրում ծխելն արգելվում է, բայց թույլատրվում է օգտագործել IQOS:
Նորություն չէ, որ աշխարհի շատ երկրներում ծխելը հանրային վայրերում արգելվում է՝ սրճարաններում, գրասենյակներում ու տարբեր ժամանցային գոտիներում: Այո, ծխելն արգելվում է, բայց թույլատրվում է օգտագործել IQOS, նրանք IQOS Friendly են:
Ծխախոտի տաքացման IQOS համակարգի վաճառքն ու օգտագործումը հատկապես տարածված է Ռուսաստանում և Ուկրաինայում: Մոսկվայի Շերեմետևո օդանավակայանում բացվել է IQOS-ի սպասարկման և հանգստի գոտի: Զբոսաշրջիկները, ովքեր դեռ ծանոթ չեն նորարարական այս լուծմանը, մինչև իրենց թռիչքը կարող են փորձարկել այն, իսկ մասնագետները կպատասխանեն նրանց հուզող հարցերին և կօգնեն կողմնորոշվել: Իսկ ովքեր արդեն IQOS-ի ընկեր են, կարող են այստեղ թռիչքից առաջ օգտագործել այն, հանգստանալ ու պատրաստվել ուղևորությանը:
IQOS սիրահարները շատ են նաև Ուկրաինայում: Այստեղ ժամանցի տարբեր վայրեր IQOS Friendly են, հենց տեղում կարելի է օգտագործել և լիցքավորել IQOS-ը՝ առանց փողոց դուրս գալու: Ուկրաինայում արդեն IQOS Friendly համարվող մոտ 60 հաստատություն կա: Նույնիսկ մշակվել է ժամանցի վայրերի ուղեցույց, որտեղ քաղաք այցելող հյուրերն ու զբոսաշրջիկները կարող են օգտագործել IQOS: Ընդ որում, Ուկրաինայում Friendly են շատ հայտնի ժամանցի հաստատությունները:
Սիգարետին այլընտրանք համարվող IQOS համակարգից օգտվողների թիվն աճում է ամբողջ աշխարհում: Միջազգային լրատվամիջոցների հրապարակած տեղեկություններով՝ ամեն օր մոտ 10 հազար ծխող է հրաժարվում սովորական ծխախոտից և ընտրում IQOS-ը: Ըստ տարբեր կայքերում հրապարակված վիճակագրության, աշխարհում արդեն մոտ 5 մլն չափահաս IQOS օգտագործող կա:
Շատ փորձագետներ կանխատեսում են, որ մոտ ապագայում ավանդական սիգարետները կհամարվեն ժամանակավրեպ, իսկ ծխողները կանցնեն այլընտրանքների: Առանց ծուխ IQOS-ը հավակնում է լինել հենց այդ այլընտրանքային տարբերակը: Հաշվի առնելով, որ ժամանակակից աշխարհը մերժում է ծուխը՝ IQOS-ն առաջարկում է աշխարհ, որտեղ չկա ծխախոտի ծուխ:
