Եգիպտական առաջատար Air Cairo ավիաընկերության պաշտոնական ներկայացուցիչը Հայաստանում` Անռիվա-Տուր տուրօպերատորը, նոյեմբերի 3-ին Ibis հյուրանոցային համալիրում նախաձեռնել էր սեմինար-միջոցառում, որին իր ներկայությամբ էր պատվել Հայաստանում Եգիպտոսի Արտակարգ և լիազոր դեսպան` Թարեք Իբրահիմ Մուհամմադ Մաաթին, Անռիվա-Գրուպի հիմնադիր-տնօրեն` Հռիփսիմե Ստամբուլյանը, Անռիվա-Տուր տուրօպերատորի կոմերցիոն բաժնի տնօրեն` Բորիս Մակարյանը, Հայաստանում հայտնի բազմաթիվ տուրիստական ընկերությունների ներկայացուցիչներ և այլոք:

Air Cairo-ն և Անռիվա-Տուրը պարբերաբար ունենում են Եգիպտոսից հյուրեր, ովքեր սեմինարներ են անցկացնում Եգիպտոսի հանգստավայրերի պայմանների մասին: Այս անգամ նրանց հյուրն էր Եգիպտոսի Շարմ Էլ Շեյխի "Concorde" հյուրանոցային ցանցի վաճառքի տնօրեն` Տավդիկ Համդի Ասսադին, ով ներկայացրեց հյուրանոցի պայմանները, առավելությունները և նոր հնարավորությունները:

Եգիպտոսի Արտակարգ և լիազոր դեսպան` Թարեք Իբրահիմ Մուհամմադ Մաաթին ողջունեց ներկաներին շնորհակալություն  հայտնելով Անռիվա-Տուր տուրօպերատորին, որ ամրապնդում է Եգիպտոսի և Հայաստանի բարեկամական կապը:

Բացի այդ, Անռիվա-Տուր տուրօպերատորը կազմակերպել էր հետաքրքիր և անակնկալներով լի խաղարկություն, որի ընթացքում խաղարկվեց ավիատոմս 1 անձի համար դեպի Շարմ Էլ Շեյխ և 2 անձի համար հանգիստ «Concorde Resort» հյուրանոցում: Ըստ վաճառքների քանակի Անռիվա-Տուր տուրօպերատորը ընտրել էր «Տնից հեռու» ընկերությանը և որպես մրցանակ նրանց տրամադրեց 1 անձի համար ավիատոմս դեպի Շարմ Էլ Շեյխ: Սեմինարի ավարտից հետո հյուրերին սպասվում էր Անռիվա-Տուր տուրօպերատորի և Air Cairo-յի կողմից կազմակերպված համեղ հյուրասիրություն:

{gallery height=115 crop=1 maxcount=88}event/2017/anrivaconcorde{/gallery}