<<Եդեմից դեպի արևելք>> խորագրով լուսանկարչական ցուցահանդես է բացվել (Լուսանկարներ)
25 Սեպտեմբերի 2017 - 11:02 
Դալան ցուցասրահում բացվել է լուսանկարիչ Իննա Շիմալյանի երկրորդ ցուցահանդեսը <<Եդեմից դեպի արևելք>> խորագրով։
Իննայի համար օրը խորհրդանշական էր՝ սեպտեմբերի 23-ին լրացավ լուսանկարչի 23-ամյակը, ցուցադրության էր հանել 23 աշխատանք:

Իննայի առաջին ցուցահանդեսը մեկ տարի առաջ էր: <<Հենց այդ օրվանից էի երազում երկրորդ ցուցահանդեսի մասին։ Ես որոշեցի ինքս ինձ նվեր անել և կազմակերպեցի հենց իմ ծննդյան օրը: 23 աշխատանք եմ ցուցադրության հանել սեպտեմբերի 23-ին, տարեդարձիս 23-ամյակի կապակցությամբ: Թեմատիկան ծաղիկներն են>>,- նշեց Իննա Շիմալյանը։

Լուսանկարիչը ծաղիկներ նկարել շատ է սիրում: <<Այդ ճանապարհով բացահայտում եմ յուրաքանչյուր ծաղկի զարմանահրաշ գեղեցկությունը։ Ես ուզում եմ, որ այդ վառ գույները բարձրացնեն մարդկանց տրամադրությունը և կյանքի հանդեպ մոտիվացիա, ինչպես որ դա ինձ հետ է կատարվում>>,- ասաց նա։

{gallery height=115 crop=1 maxcount=122}event/2017/innadalan{/gallery}