Հայաստանում էր աշխարհահռչակ MEMO բրենդի համասեփականատեր John Molloy-ն, ով չէր եկել ձեռնունայն, այլ բերել էր իր հետ չափազանց օրիգինալ բույրեր, որոնք այսուհետ ներկայացված կլինեն HERMITAGE խանութ-սրահում:
Paparazzi.am կայքի հետ հանդիպման ժամանակ շատ հետաքրքիր զրույց ունեցանք, որն էլ ցանկանում ենք կիսել ձեզ հետ: Ինչպես հայտնի է, MEMO բրենդի յուրաքանչյուր բույրի ստեղծման համար ոգեշնչման աղբյուր է հանդիսանում ճանապարհորդությունը, որը միշտ թողնում է հիշողություն, (MEMO-Memory-հիշողություն) ինչն էլ ասոցացվում է օծանելիքի հետ: John Molloy-ը սկսեց իր հարցազրույցը, հիացմունքով խոսելով այն մասին, թե արդեն որքան ժամանակ երազում էր լինել Հայաստանում ու թեպետ նախորդ օրն էր ժամանել, բայց արդեն հասցրել էր շրջել քաղաքով ու մեծ ոգևորությամբ էր պատասխանում մեր բոլոր հարցին:
-Յուրաքանչյուր կին ունի իր սիրած գույնը, ոմանք նախընտրում են մեղմ գույներ, ոմանք էլ վառ, իսկ ի ՞նչ գույն ունի MEMO-ն:
-Դիզայնի առումով դուք կտեսնեք բոլոր սրվակների վրա ոսկեգունը, իսկ ահա բույրերի առումով ասեմ, որ յուրաքանչյուր բույր իր գույնն ունի, ասեմ ավելին, ամեն բույր յուրաքանչյուր կնոջ վրա գունային նոր երանգ է ձեռք բերում:
Paparazzi.am-ի այն հարցին թե իր հետ բերած բազմաթիվ բույրերից կա՞ որևէ մեկը, որը կառանձնացներ հատուկ հայուհիների համար, նա երկար խորհեց, կանգնեց իր բույրերի առաջ և վերջապես ընտրեց դրանցից մեկը.
-Ահա սա, հենց այս մեկը, Italian Leather, ես կառանձնացնեմ հայ աղջիկների համար, քանի որ այն շատ քաղցր է, խորը և հետաքրքիր: Հենց այդպիսինն է իմ պատկերացմամբ հայ կինը: Տարիներ առաջ պատիվ եմ ունեցել ծանոթանալ մի հայուհու հետ, և ասեմ, որ այս բոլոր բույրերից ես հենց սա կնվիրեի նրան,քանզի նա նույնքան խորը մարդ է, որքան այս բույրը: Նրա շնորհիվ է, որ ես սիրեցի ձեր երկիրը, և իմ մեջ ցանկություն առաջացավ այստեղ գալու, որովհետև հասկացա թե հայ մարդը որքան է գնահատում իր արմատները, իր ընտանիքը: Ես ինքս էլ այդպիսինն եմ, իմ կինն ինձ համար ամեն ինչ է, և ես վստահ եմ, որ հաջորդ անգամ նրա հետ այստեղ գալով, մենք կհեռանանք Հայաստանից МЕМО բրենդի նոր բույրի ստեղծման ոգեշնչմամբ:
Կարծում եմ, որ հարցազրույցից պարզ դարձավ, թե որքան դրական ու հետաքրքիր մարդ է MEMO բրենդի համասեփականատեր John Molloy-ն, որն էլ հենց նմանատիպ ընդունելության արժանացավ HERMITAGE խանութ սրահում:
