05.07.2017. Երևանի Հովհաննես Թումանյանի անվան պետական տիկնիկային թատրոնում Մանկական զարգացման հիմնադրամի հաշվետու համերգն էր:

Հիմնադրամի տնօրեն Լուսինե Սիմոնյանը ներկայացրեց Հիմնադրամի գործունեությունը, պատմեց կատարած աշխատանքների և ծրագրերի մասին: Հիմնադրամի գործունեությանը դեռևս անծանոթ կամ քիչ ծանոթ մարդիկ և Հիմնադրամի տարբեր ծառայություններից օգտվող ու տարբեր խմբակներ հաճախող երեխաների ծնողներն ավելի նդհանուր և համապարփակ ծանոթացան Հիմնադրամի ողջ գործունեությանը, ինչպես նաև Հայաստանում ներառական միջավայր ստեղծելու գործում նրա մոտեցումներին ու տեսլականին:

Ելույթ ունեցան ՄԶՀ-ի «Ֆլամենկոե պարի խումբը, երեխաներին իրենց ուրախ կատարումները նվիրեցին բոլորիս սիրելի Լիդուշիկը, աճպարար Հայկ Միքայելյանը, երիտասարդ և տաղանդավոր ջութակահարուհի Լուսինե Սարգսյանը: Երեխաները ծանոթացան, շփվեցին և անցկացրեցին ուրախ երեկո: Իսկ համերգի առանձնակի ջերմ ու անմիջական մթնոլորտն ապահովեց հաղորդավար Գոռ Պետրոսյանը:

Մանկական զարգացման հիմնադրամը ստեղծվել է 2009թ. սեպտեմբերին: Հիմնադրամը նախկինում` 2002թ-ից գործել է որպես Մանկական զարգացման կենտրոն Վորլդ Վիժն Հայաստանի ՙՆերառական կրթության՚ ծրագրի շրջանակներում, 2004-2008թթ. ՄԶԿ-ն ներգրավված է եղել ՙԴժվար իրավիճակում գտնվող երեխաներ՚ ծրագրում, որն ուղղված էր կյանքի դժվարին իրավիճակներում հայտնված երեխաների և նրանց ընտանիքների աջակցությանը: 2002-2008թթ. ընկած ժամանակահատվածում կենտրոնում տարբեր ծառայություններ է ստացել ավելի քան 500 երեխա: Կազմակերպվել են սեմինարներ, վերապատրաստման դասընթացներ ինչպես ծնողների, այնպես էլ երեխաների պաշտպանության, կրթական և համայնքային զարգացման ոլորտում աշխատող մասնագետների համար:

Ներկայումս, Մանկական զարգացման հիմնադրամի նպատակն է նպաստել երեխաների և նրանց ընտանիքների իրավունքների պաշտպանությանը, նրանց առողջ զարգացմանը և խոցելի խմբերի ներառմանը հասարակություն, առաջարկել մասնագիտական ծառայություններ` աջակցելով խոցելի խմբերի երեխաներին և նրանց ընտանիքներին, նպաստել մեթոդաբանական բազայի հարստացմանը` մշակելով նյութեր երեխաների հետ աշխատող մասնագետների, մանկավարժների, ծնողների համար: Լրացուցիչ տեղեկությունների համար այցելեք www. cdf.am

Մանրամասն տեղեկությունների համար դիմել`

Տնօրեն

Լուսինե Սիմոնյանին

+ 37496004146

This email address is being protected from spambots. You need JavaScript enabled to view it.

{gallery height=115 crop=1 maxcount=677}event/2017/coafhamerg{/gallery}