Հեքիաթի մաս դառնալը այլևս երազ չէ: Երազ այգին, հունիսի 1-ին երեխաների պաշտպանության միջազգային օրվա առթիվ, իրականություն դարձրեց մեր բոլորիս մանկության երազանքը: Այսուհետ, ձեր փոքրիկները հնարավորություն ունեն ծանոթանալու Երազ Այգում ներկայացված չորս հեքիաթներին միանգամայն նոր և հետաքրքիր ձևաչափով:

Այս հրաշքների այգում ներկայացված են երեխաների կողմից սիրված Գտնված Երազ, Ալիսան Հրաշքների Աշխարհում, Կամիր Գլխարկ և Երեք Խոզուկներ հեքիաթները: Պետք է առանձնահատուկ նշել այն փաստը, որ Երազ Այգին միակ վայրն է, որտեղ կյանքի է կոչվում բոլորի կողմից շատ սիրված Գտնված Երազ հեքիաթը: Հիշու՞մ եք այն փոքրիկ աղջկան, ով ուղևորվում է` գտնելու իր պապիկի կորած քունը: Դե’ ինչ. եկե’ք միասին օգնենք այդ փոքրիկ աղջկան վերադարձնել իր պապիկի քունը:

Ներկայացում նայելը այլևս ձանձրալի չէ փոքրիների համար: Իսկ գիտե՞ք ինչու. ներկայացումները Երազ Այգում կրում են ինտերակտիվ բնույթ և վերածվում են հեքիաթային խաղի: Երեխաները դառնում են իրենց սիրելի հեքիաթների խաղընկերները` ակտիվ մասնակցություն ունենալով դրանցում:

Երազ Այգին հնարավորություն է ընձեռում կտրել երեխաներին գադջեթային իրականությունից և վերադարձնել նրանց իրենց կորցրած երազը: Ձեր երեխան ունի՞ նախընտրած մասնագիտություն: Նա երազում է դառնալ բժի՞շկ, ուսուցչուհի՞, խանութպա՞ն, վարսահարդա՞ր կամ գործարա՞ր: Երազ այգին ևս մեկ անակնկալ ունի: Հենց այստեղ են գտնվում փոքրիկ փայտյա տնակներ տարբեր թեմատիկաներով` հիվանդանոց, գեղեցկության սրահ, խանութ, դպրոց և սրճարան: Տնակներում երեխաներին հնարավորություն է ընձեռվում իրականում առնչվել իրենց նախընտրած մասնագիտությանը և հասկանալ` որքանով է այն համապատասխան իրենց:

Դե' ի՞նչ, սիրելի' ծնողներ: Հետաքրքրե՞ց: Շտապե'ք ծանոթանալ մեր քաղաքի գլխավոր հեքիաթին:

Հեքիաթները Երազ Այգում գործում են`

աշխատանքային օրերին` 17:00-22:00

հանգստյան օրերին` 12:00-22:00

Հասցե` Թբիլիսյան խճուղի 1/8, Երևան

Հեռ.` +374 98 74 03 30

{gallery height=115 crop=1 maxcount=195}event/2017/june1yerazpark{/gallery}