Պանարամա Երևան Ռեզորթ հյուրանոցային համալիրը հունիսի 1-ին թնդում էր երեխաների երջանիկ ճիչերից: Իր գործունեության չորս տարիների ընթացքում արդեն երկրորդ տարին է` ինչ հյուրանոցային համալիրը երեխաների իրավունքների պաշտպանության միջազգային օրվա առթիվ իր տանիքի տակ հյուրընկալում է Գյումրու Ֆ.Նանսենի անվան երեխաների խնամքի գիշերօթիկ կենտրոնի սաներին:

Պարզապես աննկարագրելի էր երեխաների ոգևորությունը և ուրախությունը հյուրանոց ժամանելու առաջին իսկ րոպեներից: Պանարամա Ռեզորթի բարձունքից դեպի մեր քաղաքը և Արարատ լեռը բացվող գեղեցիկ տեսարանով բացօթյա լողավազանը անտարբեր չթողեց նույնիսկ երեխաներին: Հյուրանոց մուտք գործելուց ընդամենը րոպեներ անց արդեն նրանք վայելում էին երևանյան ջերմ արևը և հոյակապ տեսարանով լողավազանը` տոնական երաժշտության ներքո:

{gallery width=669 height=446 crop=1}event/2017/june1panoramaresort/watermarked-_MG_4316.jpg{/gallery}

Այնուհետև, երեխաներին մատուցվեց հաջորդ անակնկալը: Հյուրանոցային համալիր ժամանեցին Face Art մասնագետներ և իրենց վառ ներկապնակով հեքիաթային կերպարներ նկարեցին երեխաների երեսներին` այդպիսով գունավորելով նաև նրանց օրը:

{gallery width=669 height=446 crop=1}event/2017/june1panoramaresort/watermarked-_MG_4190.jpg{/gallery}

Սակայն, երեխաները նունպես անակնկալներ էին պատրաստել հյուրանոցային համալիրի համար: Ամիսներ շարունակ նրանց կողմից բեմադրվել էին պարային համարներ, որոնք սրտի տրոփյունով վերջապես ներկայացրեցին իրենց հանդիսատեսին: Ինչպես նաև ի նշան երախտագիտության` Նանսենի անվան երեխաների խնամքի գիշերօթիկ կենտրոնը իր կողմից շնորհակալագրեր հանձնեց Պանարամա Երևան Ռեզորթ հյուրանոցային համալիրի աշխատակիցներին և հիմնադիրներին:

Պանորամա Երևան Ռեզորթը չսահմանափակվեց այս անակնկալներով: Ամենամեծ անակնկալը սպասում էր երեխաներին հյուրանոցի ներսում: Խոսքերով անհնար է փոխանցել երեխաների ոգևորությունը,երբ իրենց առջև հայտնվեց միջոցառման մեծ տորթը, որի վրա պատկերված էր անցած տարվա միջոցառման ժամանակ արված իրենց լուսանկարը:

{gallery width=669 height=446 crop=1}event/2017/june1panoramaresort/watermarked-_MG_4511.jpg{/gallery}

Ինչպես նշեցին Նանսենի անվան երեխաների խնամքի հաստատության աշխատակիցները` <<Բարեգործությունը երբեք չի դիտվել որպես պարտականություն: Այն բխում է մարդկային ջերմ սիրուց և վերաբերմունքից>>:

Պանարամա Երևան Ռեզորթի աշխատակիցների փոխանցմամբ նրանք չեն պատրաստվում սահմանափակվել այսքանով: Ամռան ընթացքում սպասվում են բազմաթիվ միջոցառումներ: Միջոցառումների անցկացման վերաբերյալ տեղեկատվություն ստանալու համար առաջարկում ենք հետևել նրանց ֆեյսբուքյան էջին հետևյալ հղումով` www.facebook.com/PanoramaYerevanResort:

Հեռ.` +374 60 27 57 37

Հասցե՝ Գ. Հովսեփյան 24/3, Նորք Մարաշ, Երևան, Հայաստան

{gallery height=115 crop=1 maxcount=107}event/2017/june1panoramaresort{/gallery}