Մայիսի 20-ին տեղի ունեցավ Աբովյան 8 հասցեում տեղակայված «Vostan by Tsirani» բակ-ռեստորանի բացման հանդիսավոր արարողությունը։

Երևանի ամենաբանուկ փողոցներից մեկում իր դռները բացեց նոր՝ հայկական մշակույթի յուրատիպ կոլորիտով հագեցած «Vostan by Tsirani» ռեստորանը, որն իրենից ներկայացնում է նոր նախագիծ մինչ այժմ մեզ հայտնի «Գինետուն» (Կոտայքի մարզ, Առինջ), «Ծիրանի այգի-ռեստորան» (Կոտայքի մարզ, Առինջ) և «Ծիրանի տուն-ռեստորան» (Հյուսիսային պողոտա 5) հայկական ավանդական ռեստորանների շարքում։

«Vostan by Tsirani» ռեստորանի բացման առաքելությունն է հին հայկական ավանդական բաղադրատոմսերով պատրաստված ուտեստների և առհասարակ հայկական խոհանոցի մշակույթի զարգացումը Երևանում։

«Vostan by Tsirani» ռեստորանը տարբերվում է մի շարք առանձնահատկություններով․շինությունն իրենից ներկայացնում է պատմամշակութային արժեք՝ պահպանված է հին երևանյան ներքին հարդարման ոճը, վերականգնված է գլխավոր մուտքի դռան բռնակը, որն իր յուրատիպ կառուցվածքով առանձնակի հմայք է հաղորդում զարդանախշ դռանը։ Բռնակի վերականգնումն իրականացվել է շենքի քանդակագործի թոռան և հնուց պահպանված գծագրի միջոցով։ Դե իսկ հին հայկական ոճով վերականգնված փայտե պատշգամբները վառ ապացույցն են հին հայկական կոլորիտի վերծանման։

Այս ռեստորանի առանձնահատկություններից է նաև շինության ետնամասում տեղակայված բակը, որն իր ներքին հարդարանքով և հարմարություններով կատարյալ է ցանկացած տիպի միջոցառում անցկացնելու համար։ Բացի այդ՝ այն հավակնում է դառնալ երևանցիների ամենասիրելի, պարզ, զով, հարմարավետ ու հաճելի ժամանացի վայրը, որտեղ կարելի է գալ ընկերներով, ընտանիքներով, զրուցել և հին հայկական մոռացված բաղադրատոսերով պատրաստված համեղ ուտեստներ ճաշակել կամ պարզապես վայելել բացօթյա հանգիստը՝ ողողված անմիջապես աչքի առջև թխվող հացի ու լավաշի թարմ բույրով։

Միջոցառմանը ներկա էին շատ հանրահայտ դեմքեր, ովքեր իրենց հիացմունքն արտահայտեցին «Vostan by Tsirani» ռեստորանի բացման կապակցությամբ։ Երեկոն գեղեցիկ երաժշտությամբ գունավորեց թառահար Միքայել Ոսկանյան իր նվագախմբով։

«Ծիրանի» ռեստորանների ցանցի կողմից արտադրված մրգերի և պահածոներից պատրաստված ուտեստեները մշտապես կարող եք ճաշակել նաև «Vostan by Tsirani» ռեստորանում։ Այնպես որ մ՛ի հապաղեք, այցելե՛ք և համոզվե՛ք, որ սա այն վայրն է, ուր մշտապես ուզում ես վերադառնալ։

{gallery height=115 crop=1 maxcount=220}event/2017/vostantsirani{/gallery}