Հայտնի Francis Kurkdjian-ը կրկին Հայաստանում էր, Hermitage խանութ-սրահում ներկայացնում էր իր նոր բույրը՝ չափազանց թարմ, գարնանային և թեթև:Ինչպես միշտ Hermitage-ը հավուր պատշաճի ընդունեց իր բոլոր հյուրերին` առաջարկելով նրանց թեթև մրգային ֆուրշետ` դասական <<Արարատ>> կոնյակի համակցությամբ: Ամբողջ սրահում տարածվել էր ջազային ելևէջներ` միախառնվելով Ֆրանսիս Քյուրքչյանի նոր բույրի հետ:
Ֆրանսիս Քյուրքչյանը ծնվել է 1969 թվականին: 1977 թ. սովորել է դասական բալետ, այնուհետև 1990-ին ընդունվել է միջազգային պարֆյումի դպրոց:
Ֆրանսիս Քյուրքչյանը լավ գիտի, թե ինչպես կարելի է խոսել օծանելիքի մասին, քանի որ նա զգում է բույրի ցանկության և գեղեցկության պատմությունը և դրանով իսկ կարողանում է բավարարել քմահաճ հաճախորդների հետաքրքրասիրությունը:
Իր փայլուն կարիերան սկսել է 20 տարի առաջ՝ վերստեղծելով Marie-Antoinette պարֆյումը, կրկին հիշեցնելով 17-րդ դարի օծանելիքի շունչը:
Ֆրանսիս Քյուրքչյան օծանելիքի տունը բացվել է 2009 թ-ին: Նա առաջիններից էր, ով Ֆրանսիայում բացեց անձնական օծանելիքի տուն՝ ստեղծելով բույրերի հսկայական հավաքածու, որոնք հնարավորություն էին տալիս մարդկանց՝ երազելու այդչափ անուշահոտ և տպավորիչ բույրերի մասին: Ի հավելումն նշենք,որ նա շարունակում է ստեղծել օծանելիքներ համշխարհային ճանաչում ունեցող նորաձևության բրենդների և դիզայներների համար. այնքան թարմ, որքան երբևէ:
Օրվա գնորդները մասնակցեցին խանութ-սրահի կողմից կազմակերպված խաղարկությանը,որի արդյունքում հյուրերից մի քանիսը շահեցին Ֆրանսիս Քյուրքչյանի օծանելիքներից:
Պարֆյումերը անվանական մակագրեց օծանելիքների տուփերի վրա, ինչպես նաև լուսանկարվեց բոլոր գնորդների հետ:
Ֆրանսիս Քյուրքչյանի օծանելիքներից բացի ձեզ ենք ներկայացնում այն բոլոր աշխարհահռչակ ֆիրմաները, որոնք ներկայացված են Hermitage խանութ-սրահում:
Եվ վերջում ձեզ ենք ներկայացնում նաև Paparazzi Արթուրի պոզիտիվ լուսանկարը աշխարհահռչակ պարֆյումեր Ֆրանսիս Քյուրքչյանի հետ:
