Forbes ամսագիրը այս անգամ ևս գնահատել է աշխարհահռչակ աստղերի ստացած եկամուտը և կազմել ցուցակ:

Առաջին հորիզոնականում է հայտնվել երգչուհի Թեյլոր Սվիֆթը,ով իր վերջին համերգային շրջագայության շնորհիվ գրավեց ամենաբարձր վարձատրվողների ցուցակի առաջին հորիզոնականը` 170 մլն դոլար եկամտով: Ցուցակի երկրորդ հորիզոնականն է զբաղեցրել One Direction խումբը,որի եկամուտը 110 մլն դոլար է կազմում: Իսկ երրորդ տեղը բաժին է հասել "Алекс Кросс"-ի և "Женский клуб расследований убийств" գրքի հեղինակ Ջեյմս Պատերսոնին` 95 մլն դոլարով:

Հետաքրքիրն այն է,որ ցուցակում մեծամասամբ տեղ են գտել երգչները: Ադելը 80,5 մլն դոլար եկամտով գրավում է 9-րդ հորիզոնականը:Մադոննան 76 մլն դոլարով զբաղեցնում է 12 տեղը, իսկ Րիհաննան 75 մլն դոլարով 13-րդ հորիզոնականը: Կելվին Հարիսը 63 մլն դոլար եկամտով հայտնվել է ցուցակի 21-րդ տեղում:Երիտասարդների սիրելի Ջասթին Բիբերը 56 մլն դոլարով գրավել է 26-րդ տեղը, իսկ Բեյոնսեն զբաղեցրել է 34-րդ հորիզոնականը, ում եկամուտը կազմում է 54 մլն դոլար: Պարզվում է աշխարհահռչակ երգիչներից ամենաքիչ եկամուտն ունի ժամանակին մեծ համբավ վայելող Բրիթնի Սփիրսը,ով ըստ Forbes-ի հաշվարկների 30,5 մլն դոլարով հայտնվել է նախավերջին տեղում:

Իհարկե այս ցուցակում չէր կարելի անմասն թողնել երկու ֆուտբոլային աստղերին`Կրիշտյանու Ռոնալդոյին և Լեոնել Մեսսիին: 88 մլն դոլար եկամտով Ռոնալդոն հայտնվել է 4-րդ հորիզոնականում, իսկ Մեսսին` 81,5 մլն դոլարով 8-րդ տեղում:

Ամենաբարձր վարձատրվող հայտնիների ցուցակում հայտնված առաջին դերասանը "Форсаж" ֆիլմի աստղ Դուեյն Ջոնսոնն է,ով 64,5 մլն դոլար եկամտով գրավել է 19-րդ տեղը:Հայտնի դերասաններից ցուցակում են հայտնվել նաև Մեթ Դեյմոնը`55 մլն դոլար եկամտով, Թոմ Կրուզը` 53 մլն դոլարով , Ջոնի Դեփը` 48 մլն դոլարով, Ջենիֆեր Լոուրենսը` 46 մլն դոլար եկանտով, Բեն Աֆլեքը` 43 մլն դոլարով, Վին Դիզելը` 35 մլն դոլարով, Ռոբերտ Դաունի կրտսերը` 33 մլն դոլարով և Բրեդ Փիթը` 31,5 մլն դոլար եկամտով:

Ցուցակի միակ մոդելը Ժիզել Բոինխենն է, ով 30,5 մլն դոլար եկամտով հայտնվել է 99-րդ հորիզոնականում:

Ամսագրի շապիկը զարդարում է Քիմ Քարդաշյանը, ով 51 դոլար զբաղեցնում է 42-րդ տեղը:

{gallery height=115 crop=1 maxcount=18}event/forbes{/gallery}