Ապրլի 13-ին, ժամը 20:00-ին օպերայի և բալետի ա.ա. թատրոնում հավաքվել էին բազմաթիվ հյուրեր, դիզայներներ, երգիչ-երգչուհիներ և պարզապես ոճային քաղաքացիներ՝ գնահատելու Մանուկ Ալեքսանյանի նոր հավաքածուի ցուցադրությունը: Հավաքածուն իր մեջ պարունակում էր թարմ գարնանային ելևէջներ. պաստելային գույներ, երիտասարդական ոճ և եթերային գործվածքներ:
Իչպես դիզայները հայտնեց Paparazzi.am կայքին հավաքածուի վրա աշխատել է մոտ մեկ ամիս: Ցուցադրության ժամանակ ամենից շատ գնահատում է մոդելների ճիշտ ընտրությունը, որն իր դեպքում համապատասխանում է համաշխարհային բոլոր ստանդարտներին: Մեր այն հարցին թե դիզայները հայկական շոուբիզնեսից ու՞մ կառանձնացներ, Մանուկ Ալեքսանյանը (Մանչը) պատասխանեց.
-կառանձնացնեմ Արմինկային, նա իմ մուսան է, ինչպես նաև Մայա Պողոսյանին, և Լիլիթ Հովհաննիսյանին, որի կազմվածքը թույլ է տալիս անվերջ ստեղծագործել:
