Նախագծի նշանաբանը՝ «ՀԱՅԿԱԿԱՆԸ ՆՈՐԱՁԵՎ Է»

Փետրվարի 10-ին, ժամը 19:00 –ին EL SKY BAR – ում տեղի ունեցավ ,,ArmMod,, Fashion Նախագծի մամուլի ասուլիսը, որին հաջորդեց նախագծի շնորհանդեսը: Ասուլիսի բանախոսներն էին Նախագծի ղեկավար Ռուբինա Գրիգորյանը, ԷԼ Հոլդինգի փոխնախագահ Քրիստինե Սարգսյանը, Հայկական Տեղեկատվական Կենտրոնի տնօրեն Ստելլա Ակլյանը և Երևանի գեղարվեստի պետական ակադեմիայի պրոռեկտր՝ Մկրտիչ Այվազյանը: Նրանք բոլորն էլ փաստեցին նախագծի կարևորությունը, որի շնորհիվ ևս մեկ անգամ գնահատվելու են հայ տաղանդավոր դիզայներների աշխատանքները, բացահայտվելու են նոր թաքնված անուններ և խրախուսվելու է հայկական արտադրանքը:

Շնորհանդեսին ներկա էր Երևանի քաղաքապետարանի մշակույթի բաժնի պետ Էմին Թորոսյանը, ով հայտարարեց, որ Երևանի քաղաքապետարանը ևս միանում է նախաձեռնությանը և լինելու է նախագծի աջակիցը: Հայտնի դիզայներները՝ Արամ Նիկոլյանը և Գևորգ Շադոյանը ևս ներկա էին և ողջունեցին ծրագրի նպատակը: Ներկաների թվում էին Ատեքս, Զատիկ, Կվիստի, Մարինա Ֆեշն, Գոհար Սահինյան, ,,el Si,, նորաձևության կենտրոնների ղեկավարները, ԲՈՒՀ-երի և ուսումնական հաստատությունների ղեկավարները, ինչպես նաև հայկական նորաձևությամբ հետաքրքրվող հայտնի հյուրեր և գործընկերներ : Հյուրերի հետ անցկացվեց քննարկում, յուրաքանչյուրը հնարավորություն ունեցավ արտահայտելու իր կարծիքը և նախագծի և առհասարակ ոլորտին վերաբերվող խնդիրների մասին:

Հաճելի երաժշտությունը ապահովեց DJ DONZ-ը: Իսկ շնորհանդեսի գեղեցիկ տորթը տրամադրվել էր ,,ԼՅՈՒՍԻՆԿԱ,, ստուդիայի կողմից: Ընթացքում անցկացվեց վիճակահանություն և պարզ դարձավ, թե որ ուսումնական հաստատության ցուցադրությունն է կազմակերպվելու ըստ ամիսների :

Ինչպես նշեց նախագծի ղեկավար Ռուբինա Գրիգորյանը.

ArmMod Fashion նախագիծը նպատակ ունի՝

• նպաստել Հայաստանում նորաձևության զարգացմանը

• խթանել հայկական արտադրանքի տարածմանը

• հնարավորություն ընձեռել սկսնակ ու երիտասարդ ստեղծագործողներին իրենց գաղափարներն իրականացնելու, ու սեփական աշխատանքները ներկայացնելու

• ոգևորել նոր սերնդին առավել լավ սովորել և ակտիվ գործունեություն ցուցաբերել հայրենիքում

• խրախուսել և տարածել «Հայկականը նորաձև է» գաղափարը

• հասարակությանը կոչ անել`

ՃԱՆԱՉԵԼ ՀԱՅ ՍՏԵՂԾԱԳՈՐԾՈՂՆԵՐԻՆ

ԸՆՏՐԵԼ ՀԱՅԿԱԿԱՆԸ

ՕԳՆԵԼ ՀԱՅ ԱՐՏԱԴՐՈՂԻՆ

Նախագծի աջակիցներն են` ,,TEXART,, Print տպագրատուն

ՀԱՅԿԱԿԱՆ ՏԵՂԵԿԱՏՎԱԿԱՆ ԿԵՆՏՐՈՆ

,,EL,, Holding

,,AMCO,, Production

Այսուհետ նաև Երևանի Քաղաքապետարանը

{gallery height=115 crop=1 maxcount=200}event/armmod{/gallery}