Նոյեմբերի 2-ին Հակոբ Պարոնյանի անվան երաժշտական կոմեդիայի պետական թատրոնում կայացավ ռեժիսոր, դերասան, պրոդյուսեր Աբել Աբելյանի <<Մենք և Մոխրոտը>> խորագրով մանկական ներկայացումը, որը երեխաների կողմից շատ սիրված <<Մոխրոտը>> հեքիաթի նորովի ներկայացված տարբերակն էր: Ինչպես նշեց Աբել Աբելյանը. հեքիաթի սիրված կերպարների կողքին, որոնք են մոխրոտը, արքայազնը, բարի փերին, խորթ մայրն ու թագավորը, նա ավելացրել է մերօրյա սիրված հերոսներ Սպունգ Բոբին և Մինիոնին, այդպիսով հեքիաթը փոքրիկների համար էլ ավելի ակտուալ դարձնելու համար: Ի դեպ, բրավո Աբել Աբելյանին և նրա ողջ անձնակազմին, քանի որ ինչպես հարցազրույցի ժամանակ նշեց նա, Հակոբ Պարոնյանի անվան երաժշտական կոմեդիայի թատրոնի չափազանց զբաղված լինելու պատճառով նրանք փորձեր գրեթե չեն կարողացել անել բեմում, բայց և այնպես պրեմիերային բոլոր ներկաները / ինչպես նաև մենք / կփաստեն, որ տեխնիկական առումով ներկայացումը գրեթե անթերի էր, բալիկների համար հետաքրքիր և ուրախ, քանի որ լուսային և դեկորացիոն լուծումները շատ տպավորիչ էին ստացվել : Ի դեպ, չմոռանամ նշել , որ Մենք ենք և Մոխրոտը ներկայացման մեջ պրոֆեսիոնալ դերասաններ Լևոն Հարությունյանի և Զառա Սահակյանի հետ հեքիաթի հերոսների կերպարներն էին մարմնավորում նաև Casting School Առաջին Պրոֆեսիոնալ Դերասանական Ստուդիայի շրջանավարտներ Հայկ Հովհաննիսյանը, Մաշա Արիստակեսյանը և մյուսները: Դե ինչ, մեզ մնում է միայն շնորհավորել Աբել Աբելյանին կայացած պրեմիերայի կապակցությամբ և անհամբեր սպասել հաջորդ ներկայացմանը:

{gallery height=115 crop=1 maxcount=200}event/moxrot{/gallery}