Հայաստանում է օլիմպիական խաղերի կրկնակի չեմպիոն, աշխարհի եռակի և Եվրոպայի յոթակի չեմպիոն Եվգենի Պլյուշչենկոն: Հանրահայտ ռուս մարզիկը եկել է <<Սառույցի թագավորները>> շոուն նախապատրաստելու համար: Պլյուշչենկոն իր շոուով հայ հանդիսատեսին կներկայանա նոյեմբերի 20-ին Մարզահամերգային համալիրում: Սառույցի արքա Եվ. Պլյուշչենկոն համաշխարհային շրջագայության ընթացքում կանգ է առել Հայաստանում: Նրա հետ է նաև Արի Զաքարյանը (Արարատ Զաքարյան) , ով զբաղվում է Պլյուշչենկոյի և շատ այլ հայտնի գեղասահորդների փրոմոուշնով P.S երեևի հենց նա էլ հետքրքրություն է առաջացրել Հայաստանի հանդեպ և օլիմպիական չեմպիոնին բերել մեր երկիր:Արի Զաքարյանը պատահական անուն չէ գեղասահքի աշխարհում: Նախկին գեղասահորդը այժմ ապրում է ԱՄՆ-ում, շատ ճամփորդում, իսկ իր մասին ասում է. << Հոգով ես հայ եմ , կրթությամբ` ռուս, իսկ կոմերցիայի ոլորտում` ամերիկացի>>: Ռուս գեղասահորդը հայ հանդիսատեսին այսօր մամլո-ասուլիսի ժամանակ խոստացավ, որ կցուցադրի նոր, հետաքրքիր և, ամենակարևորը, նախորդներից տարբերվող ծրագիր: Նա հիշեց նաև, որ 2008 թ. Հայաստանում 2 ցուցադրական ելույթ է ունեցել , որոնք մեծ արձագանք են ստացել:Այս անգամ նույնպես հնարավոր է` ելույթները լինեն 2-ը: Եվ. Պլյուշչենկոն շոուի ժամանակ ելույթ կունենա հատուկ հյուրի` էստրադային ջութակահար Էդգար Հակոբյանի նվագակցությամբ: Լրագրողների այն հարցին, թե մրցութային ելույթները ինչով են տարբերվում շոուներից, նա պատասխանեց, որ շոուն մարզիկին պետք է լիցքաթափվելու համար: Վերջերս մամուլում շրջանառվում էր, որ վնասվածքի պատճառով գեղասահորդը կարող էր լքել մեծ սպորտը, բայց 32- ամյա չեմպիոնը հերքեց. <<Ինձ շատ են ասում գնա թոշակի, դարձիր մարզիչ կամ էլ բիզնեսով զբաղվիր, սակայն ես դեռ չեմ պատրաստվում, ձգտում եմ լինել միշտ առաջինը, քանի որ սիրում եմ 1 թիվը:Օլիմպիական կրկնակի չեմպիոնը, նույնիսկ, մտադիր է 2018թ-ին մասնակցել օլիմպիական խաղերին, որն, ի դեպ, կլինի գեղասահորդի 5-րդ օլիմպիական խաղերը>>: Գեղասահքի երկրպագուներին <<Սառույցի Թագավորները>> շոուի ժամանակ կողջունեն գեղասահքի արքաները` Եվ. Պլյուշչենկոն, Իրինա Սլուցկայան, ակրոբատ, գեղասահորդ Սերգեյ Յասիմինկոն:

{gallery height=115 crop=1 maxcount=200}event/plyuschenko{/gallery}