Հետաքրքիր մի փաստ, որը Ձեզանից յուրաքանչյուրը նկատած կլինի. վերջին ժամանակներում մեր ժողովուրդն ակտիվ հետևում է սոցիալական կայքերին, մասնակցում քննարկումներին, օրը սկսում տեղեկատվական նորություններով: Նկատած կլինեք նաև, որ այդ նորությունները հիմնականում լինում են վատը, որովհետև մեզանում, չգիտես ինչու, վերջերս գլուխ է բարձրացրել պեսիմիստությունը, ամեն ինչում միայն վատը տեսնելու ունակությունը: Ասեմ, որ այսօր մեր միջոցով կլինի ճիշտ հակառակը, այսօր ուզում եմ Ձեզ ներկայացնել քաղաքացի Մարգարիտա Սարիբեկյանի բաց նամակը Արաբկիր Բժշկական Կենտրոնի ամբողջ անձնակազմին, ի դեմս տնօրեն Արա Բաբլոյանի: Ի դեպ, ասեմ, որ Մարգարիտան մի քանի օր առաջ շատ ծանր ու բարդ վիրահատություն է տարել և դեռ գտնվում է Արաբկիր Բժշկական Կենտրոնում, բայց այնքան շոյված և հիացած է հիվանդանոցի պրոֆեսիոնալ և բարեհամբյուր անձնակազմով, որ ցանկացավ այս կերպ հայտնել իր շնորհակալությունը նրանց ՝ ուղարկելով մեզ բաց նամակ …
<< Կյանքում գալիս է մի պահ, երբ այլևս ոչինչ կախված չէ քեզանից, դու գնում ես առաջ՝ աղոթելով Աստծուն, և հուսալով, որ բժիշկներն երբեմն կարող են ամենակարող գնտվել, հնարավոր ամեն ինչ անելով փրկել կյանքդ ու թույլ տալ վայելել այն, չէ՞ որ դեռ այնքան անելիքներ կան…
Մի քանի օր առաջ , երբ ես մտնում էի հիվանդանոց, հենց այդպիսի զգացողություն ունեի, քանի որ ինձ չափազանց բարդ վիրահատություն էր սպասվում. երիկամի փոխպատվաստում, բարդ, շատ բարդ…. ես քայլում էի՝ գիտակցելով պահի լրջությունը , աղոթելով Աստծուն, դրսում գտնվող իմ ամուսնուն, երեխաներին ու բարեկամներին հույս մաղթելով ու բժիշկներին աղերսող հայացքով նալեյով…. Ու հիմա արդեն այդ ամենն անցյալ է, որովհետև փառք Աստծուն, ու մեր հայ ամենակարող բժիշկներին, ես նորից ապրում եմ….
Ապրում ու գնահատում այս կյանքի գինը, որն ինձ վերադարձրեցին Արաբկիր Բժշկական Կենտրոնի բժիշկները, ովքեր երդում տալիս, հաստատ գիտակցել են դրա կարևորությունը, ովքեր բժշկությունն ընտրել են ոչ որպես մասնագիտություն, այլ Աստծո կողմից տրված շնորհ: ԵՍ ՇՆՈՐՀԱԿԱԼ ԵՄ ՁԵԶ, ՇՆՈՐՀԱԿԱԼ ԵՄ ԸՆՏԱՆԻՔԻՍ ԺՊԻՏ ՊԱՐԳԵՎԵԼՈՒ ՈՒ ԻՆՁ ԿՅԱՆՔ ՎԵՐԱԴԱՐՁՆԵԼՈՒ ՀԱՄԱՐ….. >>:
