<<Ծաղիկ, ծաղիկ>> տեսահոլովակի բացահայտումները...

Այսօր, 21-րդ դարում, հայերս խնդիր ունենք աշխարհին ներկայանալու, որպես հին մշակույթ ունեցող գիտության ու արվեստի բնագավառում բազմաթիվ հանճարեղ անհատներ տված մի ժողովուրդ, որին մյուս ազգերը դեռևս չեն ճանաչում:

Ժողովուրդների մերձեցման ու հաշտեցման գործում առանձնահատուկ դեր ունի երաժշտությունը, որի լեզուն համամարդկային է, հասկանալի բոլորին՝ անկախ ազգային պատկանելությունից:Այս տեսակետից ուշագրավ մի աշխատանք է կատարել երաժիշտ Վարուժան Շահբազյանը:

Վարուժան Շահբազյանը երկար տարիներ աշխատել է Մոսկվայում, իսկ վերջերս վերադարձել Երևան՝ աշխատելու հայրենիքում: Այս օրերին էլ տեղի ունեցավ նրա նոր տեսահոլովակի շնորհանդեսը:

<<Ծաղիկ, ծաղիկ>> ժողովրդական երգի մոտիվներով հանդիսատեսի դատին ներկայացվեց չափազանց հետաքրքիր մի աշխատանք:

Վարուժան Շահբազյանի շնորհիվ հավաքվեց մի թիմ՝ ռեժիսոր Գագիկ Ավետիսյան, օպերատորներ Դավիթ և Սարո Դավթյաններ, դհոլահար Արամ Նիկողոսյան, պարուհի Լարիսա Հակոբյան, որոնց համատեղ աշխատանքի արդյունքում ստեղծվեց մի հետաքրքիր գործ, որը գոհացրեց և՛ Վարուժան Շահբազյանին, և՛ բոլորին: Տեսահոլովակի ստեղծման բոլոր մասնակիցները իրենց շնորհակալությունը հայտնեցին երաժշտին՝ Վարուժան Շահբազյանին, ով էլ իր հերթին փոխադարձաբար գոհ ու շնորհակալ էր նրանցից:

Հայկական դհոլի, կովկասյան հարմոնի և իսպանական մոտիվներով հայկական ազգային երաժշտության միախառնումը ստեղծեց հետաքրքիր մի կոլորիտ, որը հասկանալի ու հաճելի է և՛ հային, և՛ իսպանացուն, և՛բոլոր ազգերին:

Վ. Շահբազյանի հետ հարցազրույցի ընթացքում, պարզվեց, որ շատ մոտ ապագայում կթողարկվի նրա կողմից նոր ձայնասկավառակ, որտեղ կներկայացվի հայկական երաժշտություն՝ միքսված տարբեր ժողովուրդների ազգային ելևէջներին:

Երաժիշտը նշեց նաև, որ Արամ Նիկողոսյանի, Լարիսա Հակոբյանի հետ կլինեն բարեգործական համերգներ մանկատներում և ծերանոցներում:

{gallery height=115 crop=1 maxcount=200}event/caxikcaxik{/gallery}