Էքսկլյուզիվ Հարցազրույց…
Հայաստանը ևս մեկ անգամ ապացուցեց, որ կարող է ընդունել հմաշխարհային մեծությունների և աստղերի, իչպես նաև նրանց միջոցով կրկին հիշեցրեց ամբողջ աշխարհին Հայոց Ցեղասպանության զոհերի հիշատակի և պահանջի մասին:
Վերջերս Paparazzi.am -ի հետ հարցազրույց է ունեցել կրավ մագայի միջազգային էքսպերտ, քիք-բոքսինգի և մուայ թայ բոքսինգի աշխարհի և Եվրոպայի չեմպիոն, <<ՍԻԱՍ>> Անվտանգության Միջազգային Հատուկ Ակադեմիայի փոխտնօրեն Սարգիս Բազինյանը, ով հանդիսանում էր Քանյե Վեսթի և Քարդաշյան քույրերի անվտանգության ծառայության գլխավոր համակարգող: Աստղային ընտանիքի հայաստանյան այցի 5 օրերի ընթացքում Սարգիս Բազինյանը համակարգել և ղեկավարել է անվանգության աշխատակիցների թիմի աշխատանքը:
- Ասացեք խնդրեմ, ինչպես սկսվեց, որքանո՞վ և ինչպե՞ս եք մասնակից եղել Քարդաշյանների անվտանգության ապահովմանը Հայաստանում գտնվելու օրերի ընթացքում:
Քարդաշյանների գալուց մոտ 2 օր առաջ մեզ դիմեց «Պանտերա սեքյուրիթի» ընկերության տնօրեն Վահե Դարբինյանը` խնդրելով, որ Անվտանգության հատուկ միջազգային ակադեմիան ևս ներգրավվի Հայաստան ժամանող հյուրերի անվտանգության ապահովման գործում: Նրանք նախկինում մի քանի հայտնի մարդկանց անվտանգությունն ապահովել են մեր երկրում, բայց այս դեպքը տարբերվում էր իր բնույթով և աշխատանքի ծավալով:
ՍարգիսԲազինյանի խոսքերով Քարդաշյանն ու Ուեսթը միջազգային մակարդակի աստղեր են, նրանց հիմնականում սիրում են երիտասարդները, որոնք իրենց երկրպագած աստղին դիպչելու կամ նրա հետ սելֆի անելու համար տարբեր քայլերի են դիմում:
- Եթե գալիս է Ազնավուրը (չեմ ուզում համեմատել Ազնավուրին ու Քարդաշյանին, զուտ անվտանգության աշխատակցի գործն եմ ուզում բացատրել), նրան սիրում են գրեթե բոլորը և մեծ հարգանքով են վերաբերվում` հաշվի առնելով նրա տարիքն ու վաստակը: նրան համակրողներն էլ մեծ մասամբ միջին տարիքի մարդիկ են, որոնք հաստատ չեն վազի նրա ետևից, չեն փորձի հագուստից մի բան պոկել կամ չեն կախվի վզից, որ լուսանկարվեն:
Սովորաբար, ցանկացած միջոցառում նախապես հաստատված օրակարգ ունի, որում հստակեցվում են ամեն մեկի պարտականությունները: Օրակարգը սովորաբար մի քանի օր, երբեմն ամիս առաջ հանձնվում է անվտանգության աշխատակիցներին: Բայց Քարդաշյանի և Ուեսթի պարագայում նման բան չկար: Օրակարգն իմանում էինք միայն առավոտյան: Եվ մեծ մասամբ մեր այցելած վայրերը չէին համապատասխանում մեզ տրված օրակարգին: Բայց քանի որ մենք ուշ էինք տեղեկանում, ստիպված էինք ամեն ինչ հանպատրաստից անել:
Քարդաշյանների դեպքում պարտադիր չէ, որ ցանկանան նրանց վնասել, երկրպագուները ցանկանում են որպես հուշ որևէ իր ստանալ նրանից, դիպչել նրան կամ սելֆի անել նրա հետ: Նաև նման հայտնի մարդիկ անկանխատեսելի ու կամակոր են, նրանց հետ աշխատելու համար հարկավոր է մեծ փորձ ունենալ: Բայց Քիմի ու Քանյեի մասին լավ կարծիք ունեմ, իրականում համեստ մարդիկ էին:
Ես հիմնականում աշխատում էի Քանյե Ուեսթի հետ: Եղել են բազմաթիվ դեպքեր, երբ առանց օժանդակ ուժերի ուղեկցել եմ նրան, քանի որ չէր սիրում, որ իր կողքին շատ մարդիկ լինեն:
- Քանյեն քչախոս էր, նրանից քիչ խոսքեր կարելի էր լսել, իրեն պահում էր համեստ, առանց ավելորդությունների:
Պաշտոնական այցելություն եղել է միայն «Թումո» կենտրոն: Այնտեղ շրջեց սենյակներով, երգեց աշակերտների հետ, ինչը շատ ոգևորեց երեխաներին, ծանոթացավ նրանց աշխատանքներին,: Մնացած այցերն խիստ անձնական են եղել: Պաշտոնական այլ այցեր չեն եղել, քանի որ այցը Քիմինն էր, իսկ ինքը` որպես սիրող ամուսին, եկել էր կնոջն աջակցելու:
- Ասացեք խդրեմ, համերգի մասին որոշումն ինչպե՞ս կայացվեց:
- Վերջին օրն էր: Երեկոյան ժամը 8-ին մեզ հատկացված օրակարգն ավարտվում էր, և մենք ազատ էինք մինչև առավոտ, երբ նրանց պետք է օդանավակայան ուղեկցեինք: Բայց Պասկալը զանգահարեց, թե Ուեսթը ցանկանում է երգել հայ հանդիսատեսի համար: Հետաքրքրվում էր, թե որ ակումբում կարող ենք կազմակերպել:
Ռեստորանային համալիրների մասին էինք մտածում, հետո հասկացանք, որ պատրաստվելու համար բավարար ժամանակ չկա: Երկար քննարկումների արդյունքում համերգի համար ընտրեցինք Կարապի լիճը:
Համերգը կազմակերպվել է թիմի անձնական կապերի ու միասնական աշխատանքի շնորհիվ համապատասխան թույլտվություններ ձեռք բերվեց: Ահագին դժվարություններ եղան: Նմանատիպ համերգները սովորաբար կազմակերպվում են ամիսներով, ինչու ոչ տարիներով:
Երբ Ուեսթին ներկայացրեցինք իրավիճակը, հասկացավ, ասաց, որ վստահում է մեզ: Այդ պահին Քանյեն, Քիմը, Պասկալը գրառումներ կատարեցին սոցցանցերում: Չեք պատկերացնի, թե ինչ կատարվեց դրանից հետո. հարյուրավոր լայքեր ու մեկնաբանություններ: Ես Պասկալի կողքին էի, քանի որ մեկնաբանությունների մի մասը հայերեն էր, հարցնում էր, թե ի՞նչ են գրում:
Քանյեին ու Քիմին անձամբ եմ ուղեկցել Կարապի լիճ: Նախատեսվածից կես ժամ ուշ դուրս եկան: Երբ տեղ հասանք, տեսանք, որ մոտ տասը հազար մարդ էր հավաքվել ու դժվար էր առաջ անցնելը կամ ճանապարհ խնդրելը: Ոստիկանության աշխատակիցները հնարավորության սահմաններում ճանապարհ բացեցին: Սկզբից տարանք Ուեսթին, քանի որ միաժամանակ երկուսին տանելն անհնարին կլիներ նեղ ճանապարհով, հետո` Քիմին:
Համերգը շատ կարճ տևեց, մոտավորապես 20 րոպե, բայց գնալով մարդկանց թիվը կրկնապատկվում էր: Տարբեր կարծիքներ կան, թե ինչու ցատկեց ջուրը: Իմ կարծիքով` պատճառը հետևյալն էր. անընդհատ տեխնիկական խափանումներ էին լինում, քանի որ 30-40 րոպե էին աշխատել այդ ամենը կազմակերպելու համար: Հերթական խափանումից հետո պարզ էր, որ ահագին ժամանակ էր պետք լինելու, որպեսզի կարգավորվեր ու նորից սկսեր երգել: Փորձեց գեղեցիկ ավարտել ու ցատկեց ջուրը: Ցատկի ժամանակ ձեռքը պատռել էր: Երբ տեղ հասցրեցինք, առաջին օգնություն ցուցաբերեցինք: Ցատկն անսպասելի էր: Նրանից հետո մեծ քանակությամբ մարդիկ նետվեցին ջուրը, որպեսզի կարողանան դիպչել իրենց սիրելի աստղին կամ լուսանկարվեն հետը: Ուեսթին ջրից հանեցինք, մեքենա տարանք, հետո Քարդաշյանի հետևից գնացինք: 

- Ասացեք խնդրեմ, նրանց անվտանգությունն ապահովման ժամանակ , ուրիշ ի՞նչ հետաքրքիր վիճակներ են եղել: - Կարող եմ մի քանի դեպք նշել: Ամենաբարդը համերգի պահն էր, որի մասին արդեն ասացի: Երկրորդն այն պահն էր, երբ Քարդաշյան քույրերին «Դոլմամայից» պետք է ուղեկցեինք մոտավորապես 50 մետր հեռավորության վրա գտնվող հուշանվերների խանութ: Ժողովուրդը շատ էմոցիոնալ էր արձագանքում: Շատ դժվար եղավ: Անգամ Քլոեի հեռախոսը կոտրվեց: Մինչև գնալն արդեն ետդարձի ճանապարհները որոշել էինք. մեր գործում առնվազն մի քանի տարբերակ պետք է ունենաս, այլապես ռիսկը բավականին մեծ կլինի: Մի մեքենան կանգնեց գլխավոր մուտքի մոտ, բայց ետնամուտքով երկրորդ մեքենայով նրանց դուրս տարանք: Ժողովուրդն արագ նետվեց մեր կողմ, բայց նրանք արդեն մեքենայի մեջ էին:
Մյուս ամենաէքստրեմալ պահը Գյումրու Յոթ վերք եկեղեցում էր: Նախապես մուտքի ու ելքի ուղիներ էինք մշակել: Աստծո տունն է, բայց միևնույն է, փորձը ցույց է տալիս, որ ժողովուրդն իրեն անկանխատեսելի է պահում: Երբ հասանք, պսակադրությունից հետո նորապսակ զույգը դուրս էր եկել ու նկարահանվում էր, այդ կողմով չէինք կարող գնալ և մտանք ելքով: Բազմաթիվ մարդիկ, որոնց մեծ մասը լրագրողներ էին, տեսախցիկներով մեր հետևից եկան: Խնդրել էին, որ հնարավորինս թույլ չտանք վիդեոկադրեր, քանի որ նկարահանում էին Ցեղասպանության մասին ֆիլմ, որում այդ իրարանցումը ցանկալի չէր:
Աղջիկները պետք է մոմ վառեին, լիազոր մարմնին հարցեր տային: Բայց քանի որ ուշացումով էին տեղ հասել, արդեն ժամը 5-ն էր` ժամերգության ժամն էր:
Ասացեք խնդրեմ, արդյո՞ք ճիշտ է, որ եկեղեցու դռները փակվել են:
Դռներն իրականում չեն փակվել, որպեսզի մարդիկ չմտնեն ու նկարահանումներ չանեն դռները կիսաբաց էինք թողել: Երբ մի դռնով փորձում է միաժամանակ 200 հոգի ներս մտնել, չես կարող պահել, դրա համար կիսաբաց էր, որ աշխատակիցը կարողանար պահել մարդկանք այդ ամբոխը: Բնականաբար, ամբոխի մեջ կարող էին լինել նաև մարդիկ, որոնք ժամերգության էին եկել: Սրբազանը բարկանալու իրավունք ուներ, նրա գործողությունները չի կարելի դատել: Պասկալի հետ միասին աղջիկներին տարհանեցինք եկեղեցուց, բայց նկարահանումները մնացին անավարտ:
- Ըստ Ձեզ, Քարդաշյան քույրերն ու Ուեսթն ի՞նչ տպավորություններով հեռացան Հայաստանից: Նրաք սպասում էի նման ըդուելություն մեր հայրենակիցներիի կողմից
- Տպավորված էին ընդունելությամբ: Քիմի ու Քլոեի խոսակցություններից կարող եմ ասել, որ չէին սպասում նման բարձր արձագանքի: Նրանք, իհարկե, միջազգային մակարդակի աստղեր են, նրանց բոլորն են ճանաչում, բայց որ Հայաստանում առաջին այցելությունը նման արձագանք կունենա, չէին սպասում: Նրանց շատ էին դուր եկել մեր բնությունը, մեր արվեստը` տարազները, երաժշտությունը: Քանյեն մեր երաժշտության մասին ասում էր, որ հետաքրքիր զգացողություններ է ապրում լսելիս: Տպավորված էին նաև եկեղեցիներով, կրոնական ու պատմական շունչը ոգևորել էր նրանց, չնայած ընդամենը երկու տաճարում հասցրեցին լինել: Բոլորին դուր էր եկել մեր խոհանոցը, մեր սննդի համն ու հոտը: Իսկ վերջում Պասկալի խոսքերից հասկացա, որ մոտ ապագայում հնարավոր է երկրորդ այցելություն լինի:

{gallery height=115 crop=1 maxcount=100}event/KIMTIKNAPAH{/gallery}