Այսօր Մոսկվա կինոթատրոնում տեղի ունեցավ երկար սպասված տեսահոլովակի պրեմիերա.

Millions of Lives «Միլիոնավոր կյանքեր» տեսահոլովակում հայ պապիկը ծոռնուհուն պատմում է Հայոց ցեղասպանության մասին` վերհիշելով իր գերդաստանի պատմությունը: Ծրագրի տնօրեն, երգիչ, երգահան Տիգրան Պետրոսյանի խոսքով`տեսահոլովակի նպատակը Հայոց ցեղասպանության ճանաչման հարցն ու հայ ժողովրդի արդարության պահանջն աշխարհին ավելի լսելի դարձնելն է:

Խորապես համոզված լինելով, որ մեզանից յուրաքանչյուրի պարտքն է մեր ժողովրդի և մարդկության առաջ նմանօրինակ բռնության դեմ պայքարելը` հայկական մշակույթի ներկայացուցիչներ` Կարեն Մարգարյանը, Տիգրան Պետրոսյանը և Գրիշա Աղախանյանը` Առաջին տիկին Ռիտա Սարգսյանի հովանու ներքո նախաձեռնեցին այս երաժշտական ծրագիրը, որի շրջանակներում համաշխարհային մշակույթի ներկայացուցիչները կոչ արեցին կանխել բռնությունները և ցեղասպանություններն ամբողջ աշխարհում:

Այս ծրագրի յուրահատկությունն այն էր, որ համաշխարհային ճանաչում ունեցող անձինք արտահայտեին իրենց զգացմունքները Ցեղասպանության նկատմամբ եզակի և բոլորին հասանելի լեզվով` երգի լեզվով: Ծրագրի շրջանակներում նկարահանվել էր տեսահոլովակ, որում մասնակցում էին համաշխարհային մշակույթի ներկայացուցիչներ` Շարլ Ազնավուրը, Մոնսերրատ Կաբալեն, Սեբու Սիմոնյանը, Ալեն Տեզյանը, Վլադիմիր Սպիվակովը, Կոկո Յորքը, Իշտար Ալաբինան, Էռնա Յուզբաշյանը, Մարիամ Միրաբովան, Անդրեյ Դավիդյանը, Տիգրան Պետրոսյանը և ուրիշներ:

Երաժշտության հեղինակն է կոմպոզիտոր և պրոդյուսեր Կարեն Մարգարյանը, իսկ բառերը գրվել են ամերիկացի բանաստեղծուհի Ռիդա Մեյի կողմից: Տեսահոլովակի ռեժիսորներն են Միհրան Ստեփանյանը, Հայկ Ատոմցը, Օլեգ Մովչանը, Նատալիա Իվանովան և Օլեգ Տարավկովը: Իսկ հիմա պարզապես առաջարկում եք դիտել տեսահոլովակը, այուհետև մեր կողմից ֆիքսած կադրերը…

{gallery height=115 crop=1 maxcount=100}event/Millions1915{/gallery}