Ձայնասկավառակում տեղ են գտել Սայաթ-Նովայի, Կոմիտասի և ժողովրդական այլ ստեղծագործություններ յուրովի մեկնաբանությամբ: Երաժիշտը հանդիսատեսին ներկայացրեց նաև դուդուկի ժամանակակից ինտերպրետացիա, որն ամբողջությամբ արդեն կկարողանանք ունկնդրել երկրորդ ձայնասկավառակում: Իդեպ, երաժշտի խոսքերով, տարեմուտին այն արդեն կհանձնվի հանդիսատեսի դատին: Մեր այն հարցին, թե ինչու է ձայնասկավառակը կոչվում <<Արմատներ>>, երաժիշտը պատասխանեց.
Մարդ պետք է իմանա, որտեղից է սերվում, որ իմանա ուր գնա: Ամեն ինչի հիմքն արմատն է:
Եվ վերջում Ջիվան Գասպարյան կրտսերը ցանկացավ հատուկ շնորհակալություն հայտնել Ջիվան Գասպարյանին և Ստեփան Շաքարյանին գործիքավորման, ինչպես նաև Վազգեն Մակարյանին և Արմեն Ղազարյանին ձայնասկավառակում իրեն նվագակցելու համար:
