Ֆրանսիացի աշխարհահռչակ դաշնակահար, կոմպոզիտոր Ռիշար Կլայդերմանը ժամանել է Հայաստան: Երևանում հանդես կգա համերգներով մարտի 13-ին և 14-ին:

Կոմպոզիտորը նշել է. <<Ես շատ երջանիկ եմ, քանի որ 35 տարվա կարիերայից հետո առաջին անգամ այցելել եմ այս երկիր: Ես շատ քիչ տեղեկություններ ունեմ Հայաստանի մասին, շատ ուրախ եմ, որ երեք օր այստեղ եմ լինելու, հուսով եմ՝ առիթ կունենամ ավելի շատ բան իմանալու: Բացի այդ՝ Փարիզում ունեմ մի քանի հայ ընկերներ, լավ երաժիշտներ, ահա թե ինչու ես շատ ուրախ եմ, որ վերջապես կբացահայտեմ ձեր գեղեցիկ երկիրը>>, - օդանավակայանում լրագրողներին ասաց Կլայդերմանը՝ ավելացնելով, որ ինքը ուրախ է, որ համերգներին նվագելու է հայ երաժիշտների հետ համատեղ:

Ի դեպ, նշենք, որ աշխարհահռչակ դաշնակահարի առաջին այցն է Հայաստան: Կլայդերմանը Հայաստանում կլինի երեք օր և երկու օր համերգ կտա Ալ. Սպենդիարյանի անվան Օպերայի եւ բալետի ազգային ակադեմիական թատրոնում։

{gallery height=115 crop=1 maxcount=11}event/richardclayderman{/gallery}