Մեր գործընկեր Սուֆի Առոռան ճանապարհորդում է Հնդկաստանում և այնտեղից տեղեկացրեց, որ Հնդկաստանում անցկացվում է երկրի ամենահայտնի փառատոներից մեկը՝ <<Հոլին>>, որը նվիրված է գարնանամուտի տոնակատարություններին:

Հնդիկները գարնան գալուստը նշում են ամենավառ գույների ու կրակների բոցավառմամբ: Հնագույն հնդկական տոնակատարությունը, որը հայտնի է նաև որպես գույների փառատոն՝ մարմնավորելով գարնան խայտաբղետությունն ու անուշահոտ ծաղիկների բույրը:

Տոնակատարության ժամանակ մարդիկ գունավոր դիմափոշի են շաղ տալիս և ներկախառն ջուր ցողում միմյանց վրա: Փառատոնի պաշտոնական բացումը տեղի է ունեցել մարտի 6-ին:

Տոնակատարության հաջորդ օրերին ևս մարդիկ միմյանց ցողում են գունավորված ջրով՝ նշելու Պրահալադայի հաղթանակը և գարնան հաղթանակը ձմռան նկատմամբ: Տոնակատարության գլխավոր օրը կոչվում է Դուլեթի, որի ժամանակ պատանիներն ու երիտասարդները պար են կազմակերպում ասիական դհոլի թնդյունների ներքո:

Իրար բավարար չափով ներկելուց հետո տոնակատարության մասնակիցները հավաքվում են ընտանիքներում՝ համեղ ճաշի սեղանի շուրջ:

Վերջին տարիներին այս գունավոր տոնը նշում են Եվրոպայի մի շարք երկրնեում, Ռուսաստանում, ինչպես նաև ԱՄՆ-ի շատ քաղաքներում:

{gallery height=115 crop=1 maxcount=18}event/holiindia{/gallery}