Արմենիա Մարիոթ հյուրանոցում հայտարարվում է Ամանորի և Սուրբ Ծննդյան սկիզբը` ամանորյա տոնածառի զարդարման բարեգործական միջոցառմամբ:

Երևան, դեկտեմբերի 1, Արմենիա Մարիոթ հյուրանոցը “Օրրան”, “Հայաստանի մանուկների հիմնադրամ” և “Սոս մանկական գյուղեր” հասարակական կազմակերպությունների հետ միասին կազմակերպել էր ամանորյա տոնածառի զարդարումը կարիքավոր և հաշմանդամ երեխաների համար:

Դեկտեմբերի 1-ին Արմենիա Մարիոթ հյուրանոցը հյուրընկալել էր մոտ 50 երեխա վերը նշված 3 հասարակական կազմակերպություններից և կազմակերպել ամանորյա տոնածառի զարդարումը: Սկսած ժամը 15:00-ից երեխաները հավաքվեցին Արմենիա Մարիոթ հյուրանոցի Արմենիա Բրասերի ռեստորանում` պատրաստեցին թխվածքներ և քաղցրավենիքներ, որից հետո նրանց մատուցեցին հատուկ պատրաստված ուտեստներ: Այնուհետև բոլոր երեխաները հավաքվեցին տոնածառի շուրջը Սուրբ Ծննդյանը նվիրված երգեր երգեցին, երազանք պահեցին, տոնածառը զարդարեցին և հույսի մի նոր շունչ արթնացրին իրենց սրտերում:

Այս համատեղ նախաձեռնությունը հաշմանդամ երեխաներին հասարակության մեջ ինտեգրելու օգնության ևս մեկ քայլ էր: Այն նպատակ ուներ նաև բարձրացնելու հասարակության իրազեկության մակարդակը` նմանատիպ ՀԿ-ներին կատարվող հանրային նվիրատվությունները խթանելու համար:

Միջոցառումը նախաձեռնված էր Արմենիա Մարիոթ հյուրանոցի, “Օրրան”, “Հայաստանի մանուկների հիմնադրամ”, “Սոս մանկական գյուղեր” ՀԿ-ների կողմից և կրելու է շարունակական և աճող բնույթ:

{gallery height=115 crop=1 maxcount=102}event/marriottorran{/gallery}