Օրերս՝ հոկտեմբերի 11-ին և 12-ին, համայն հայությունը նշեց Երևանի՝ Էրեբունու ծննդյան 2796-րդ տարեդարձը: Տոնակատարությունը սկսվեց հոկտեբերի 11-ին՝ շաբաթ օրը, Էրեբունի Երևանի ամրոց-թանգարանի բակում: Մի պահ հավաքվածները զգացին, այն հեռու հեռավոր Արգիշտի արքայի թագավորության շրջանի շունչը և պարուրվեցին հպարտության մի անբացատրելի զգացումով: Տոնակատարությունը շարունակվեց հաջորդ օրը՝ հոկտեմբերի 12-ին: Քաղաքի ծննդյան օրվա առթիվ երևանցիներին շնորհավորեց քաղաքապետ Տարոն Մարգարյանը: Բազմաթիվ մտավորականներ և մշակույթի գործիչներ ստացան պատվոգրեր, շքանշաններ և պարգևատրվեցին Երևանի պատվավոր քաղաքացու կոչումով: Չէին մոռացվել նաև բազմաթիվ ազատամարտիկներ, նրանց ընտանիքի անդամներ: Քաղաքի ծնունդը նշվել է ոչ միայն կենտրոնում, այլև քաղաքի բոլոր թաղամասերում: Տոնակատարությունը երեկոյան շարունակվել է Հանրապետության հրապարակում, որտեղ հավաքվել էին բազմաթիվ երևանցիներ, շրջակա բնակավայրերից և աշխարհի տարբեր երկրներից ժամանած հայեր և օտարերկրացիներ: Ելույթ ունեցան ազգագրական երգերի ու պարերի խմբեր, անվանի երգիչ-երգչուհիներ: Քաղաքը ողողված էր հայ երաժշտության ելևէջներով:

{gallery height=115 crop=1 maxcount=56}event/erebuniyerevan{/gallery}