Նախորդ օրը մեր նկարահանող խումբն այցելել էր մայրաքաղաքի սրտում գտնվող Զազալենդ գունավառ մանկական այգի, որտեղ այդ պահին հետաքրքիր ծրագիր էր իրականացվում՝ հագեցած բազմաթիվ մանկական խաղերով, խաղավարներով, հերոսներով և անակնկալներով: Պարզվում է Զազալենդում նմանօրինակ միջոցառումներ շատ հաճախ են իրականացվում, նրանք այդ մասին նախապես տեղեկացնում են իրենց ֆեյսբուքյան էջով: Այո՛, Զազալենդ մանկական այգին իր գործունեության հենց սկզբից ձգտում է տրամադրել բարձրակարգ սպասարկում, ժամանակակից ատրակցիոններ և հանրամատչելի պայմաններ թե’ մեծերի, թե’ փոքրերի համար:

Այգու հիմնական նպատակն է ավելի հետաքրքիր ու բազմաբովանդակ դարձնել մանուկների առօրյան: Զազալենդում կա նաև նկարչատուն, որտեղ երեխաները կարող են զարգացնել իրենց` հայտնի և դեռ չբացահայտված հմտությունները: Այգին հագեցած է արտասահմանյան ժամանակակից ատրակցիոններով, որոնք համապատասխանում են անվտանգության միջազգային ստանդարտներին, քանի որ Զազալենդի համար երեխաների անվտանգությունը թիվ 1 հիմնախնդիրն է: Այս գույնզգույն ատրակցիոններն ավելի ապահով և զվարճալի կդարձնեն Ձեր փոքրիկի ժամանցը: Այստեղ միշտ պահպանվում է նաև միջավայրի անթերի մաքրությունը. Ուստի այգին միշտ կարող եք տեսնել մաքուր և կանաչապատ: Դրանում Դուք կհամոզվեք՝ հետևելով մեր ֆոտոշարքին: Չմոռանանք նշել, որ Զազալենդը աշխատում է տարվա բոլոր եղանակներին և փոքրիկ այցելուներին նվիրում ամեն եղանակի գույնն ու բույրը:

Այգում գործում է նաև սննդի կետ, որտեղ փոքրիկները կարող են համեղ և օգտակար սնվել: Սպասարկելիս պահպանվում են հիգենիայի բոլոր կանոնները, իսկ սնունդը եվրոպական արտադրության է: Այստեղ գործում է նաև Զազանանի դայակի ծառայություն, ուր ամենայն պատասխանատվությամբ են վերաբերվում Ձեր երեխաներին: Դուք կարող եք Ձեր փոքրիկին թողնել և զբաղվել Ձեր գործերով, իսկ այդ ընթացքում այգու չափազանց հոգատար աշխատակիցները լավագույնս կհետևեն Ձեր փոքրիկին:

Հասցե՝ Իսահակյան 41

Հեռ՝. 055 22 62 28

Էլ. Հասցե՝ This email address is being protected from spambots. You need JavaScript enabled to view it.