18.03.18-ին Հայաստանում պաշտոնապես իր դռները բացեց De Salitto իտալական խանութ-սրահը: Բացման գեղեցիկ արարողություն, փակ ցուցադրություն և շատ համեղ հյուրասիրություն. De Salitto-յի մուտքը Թումանյան 33 իսկապես շատ խոստումնալից էր: Միջոցառմանը ներկա էին բազում գեղեցիկ և ոճային փոքրիկներ, հայտնի և սիրված մարդիկ իրենց բալիկների հետ. Լուսինե և Իրինա Թովմասյանները, Նունե Եսայանը, Լիլիթ Մարգարյանը, Իրինա Հարությունյանը, Լիդուշիկը և էլի շատերը:
Ի դեպ, Դե Սալիտո նորաձևության տունը հիմնադրվել է 1993 թվականին Իտալիայում: Ներկայումս այն Նատալյա և Օլեգ Պենյագինների կրեատիվ մտքի արդյունքն է: Մանկական նորաձևության մեջ բավականին հայտնի Դե Սալիտո, Պինետի և Ստեֆանիա Պինյագինա բրենդներից յուրաքանչյուրն իր մեջ ամփոփում է զգացմունքային հաղորդագրություն և ունի իր յուրահատուկ ոճը: Իսկ Ստեֆանիա բրենդն ունի իր առանձնահատուկ պատմությունը. բրենդի հիմնադիրները ոգեշնչվել են իրենց երկար սպասված դստեր ծնունդով և այդ բրենդը կրում է հենց այդ փոքրիկ գեղեցկուհու անունը:
Դե Սալիտո նորաբաց խանութ-սրահը վստահաբար կսիրվի նաև հայ փոքրիկների և նրանց մայրիկների կողմից, քանի որ նրանում ներկայացված է ցանկացած ոճի հագուստ 2-16 տարեկան թե՛ տղաների, և թե՛ աղջիկների համար: Ներկայացված բոլոր նմուշները կարված են որակյալ կտորներից, չափազանց վառ են և ոճային, իսկ աղջիկների հագուստների վրայի ծաղկային լուծումները կօգնեն Ձեր փոքրիկներին հասարակության մեջ տարբերվող կերպար ստեղծել, քանի որ դիզայներների խումբը, որն աշխատում է այս ընկերության համար, նպատակ ունի օգնել եկող սերնդին ունենալ լավ ճաշակ, սեփական ոճ և անհատականություն; Դուք դրանում վստահաբար կհամոզվեք, եթե հետևեք մեր գեղեցիկ ֆոտոշարքին, որը ֆիքսել է PaparazziLife-ի լուսանկարիչը թե՛ խանութ-սրահի բացման, թե՛ փակ ցուցադրության ժամանակ: Ի դեպ, ցուցադրությունը տեղի է ունեցել Թումանյան փողոցի վրա տեղակայված նորաբաց Jazzve սրճարանում, ցուցադրության կազմակերպիչներն են Kids Fashion նախագծի ղեկավարներ Կարմեն Ղազարյանը և Ռուբինա Գրիգորյանը, իսկ հագուստները ցուցադրող փոքրիկները հենց նույն այդ նախագծի մոդելներն էին:
