Hermitage Armenia-ն այն հազվադեպ նիշային խանութ֊սրահներից է, որը չի դադարում զարմացնել մեզ աշխարհահռչակ ապրանքանիշների ընտրության հարցում։ Այս անգամ էլ պաշտոնապես ներկայացնելով աշխարհահռչակ KILIAN ապրանքանիշը՝ նա Հայաստան էր հրավիրել ընկերության ներկայացուցիչներ Սելին Սալաբին և Մարժոլեն Վելկոմին: Մեծ հեղինակություն վայելող KILIAN բրենդի 10 ամյակին նվիրված փակ երեկոյին ներկա էին 100 ընտրյալներ: Նիշային բույրերի աշխարհում KILIAN-ը դարերի պատմություն չունի, սակայն բրենդի բույրերն իսկական հեղաշրջում են իրագործել պարֆյումերիայի ոլորտում: KILIAN-ն, ինչպես կանանց, այնպես էլ տղամարդկանց շրջանում, շատ կարճ ժամանակահատվածում կարողացավ իր կայուն և ուրույն տեղը գրավել պարֆյումերիայի աշխարհում։
Հիշեցնենք, որ այս լյուքս կարգի բրենդի հիմնադիրն է Կիլիան Հենեսսին, ով հանրահայտ Հենեսսի գերդաստանի կրտսեր անդամն է: Ի տարբերություն հայտնի պապիկի, Մորիս Հենեսսիի, Կիլիանը որոշեց ոչ թե շարունակել կոնյակի արտադրության ընտանեկան հաջող բիզնեսը, այլև գործի դնել իր երևակայությունը պարֆյումերիայի աշխարհում: KILIAN բրենդը հիմնադրվել է2007թ-ին: Շնորհիվ նրբագեղ սրվակի և չկրկնվող բույրերի ձևաչափի, այսօր այն համարվում է նիշային բույրերի ամենահայտնի օրինակներից մեկը:
HERMITAGE-ը պաշտոնապես Հայաստանում ներկայացնելով ապրանքանիշը, նախորդ օրը կազմակերպել էր բրենդի 10 ամյակին նվիրված փակ երեկո, որին ներկա էին նաև ընկերության ներկայացուցիչներ Սելին Սալաբը և Մարժոլեն Վելկոմը: Միջոցառումը վարում էր Լուսինե Բադալյանը: Հիանալի երաժշտության համար շնորհակալություն Աղվան Պապոյանին և նրա բենդին: Հաճելի և թեմատիկ երեկո, սև և սպիտակ հագուստով ներկայացած գեղեցիկ հյուրեր, որոնք ամբողջությամբ վայելեցին երեկոն. հաճելի երաժշտություն, համեղ հյուրասիրություն և բազում նվերներ։ Hermitage Armenia֊յի ձեռագիրն անփոփոխ է ։
