Մի քանի մրցույթների տիտխոսակիր, թոփ մոդել Անիտա Հարությունյանը հունիսի 2-ին Royal Yerevan-ռեստորանում նշում էր իր ծննդյան տարեդարձը: Տարեդարձի մանրամասների, հայտնի հյուրերի, անմոռանալի անակնկալների և իհարկե սիրելիի անակնկալի մասին մոդելը պատմեց paparazzilife.am-ին: Հոբելյարը դեռ կեսգիշերին ընկերներին և հարազատներին տանն է հյուրընկալել.
<<Մեր շրջապատում դա ավադույթ է, գիտեի, որ հյուրեր եմ ունենալու: Մեր գիշերային հավաքույթները միշտ շատ հետաքրքիր և ուրախ են անցնում: Պետք է նշեմ, որ այս տարի առանձնահատուկ էի սպասում և պատրաստվում ծննդյանս տարեդարձին և այդպես առանձնահատուկ ու տարբերվող էլ անցավ այդ օրը: Նվերների, անակնկալների, բարեմաղթանքների իսկական տեղատարափ էր: Իմ կողքին էին հարազատներս, բարեկամներս, ընկերներս և մեր շոու բիզնեսի ներկայացուցիչներից ոմանք: Ես ևս մեկ անգամ հասկացա, որ ես սիրված ու գնահատված եմ, իսկ դա այս կյանքում ինձ ամենակարևոր բաղադրիչներից մեկն է: Տորթիս մոմերը փչելիս, մինչև երազանք պահելը շնորհակալություն հայտնեցի Աստծուն այն ամենի համար ինչ ունեմ և խնդրեցի, որ պահպանի այն: Անկեղծ կլինեմ ու կնշեմ, որ այս պահին ամենամեծ երազանքս է իմ սեփական ընտանիքն ունենալը>>:
Այն հարցին, թե մոդելը ինչ անակնկալ է ստացել սիրելիից վերջինս պատասխանեց.
<<Սիրելիիցս անակնկալներ ստանում եմ գրեթե ամեն օր՝ նա ջանք ու եռանդ չի խնայում ինձ ժպիտ պարգևելու և երջանիկ տեսնելու համար, իսկ ծննդյանս անակնկալը վստահեցնում եմ, որ տարբերվող ու ինչպես միշտ օրիգինալ էր, թույլ տվեք չբացել փակագծերը>>:
Մոդելը հավելեց նաև, որ հունիսի 10-ին Royal Yerevan ռեստորանում որպես հատուկ հյուր ներկայանալու է և հենց ինքն է հանձնելու Միսս Ինստագրամ և Միսս Ֆեյսբուք մրցույթներում հաղթող գեղեցկուհիների մրցանակները, որը կրկին կլուսաբանի paparazzilife.am-ը:
