Fryday Երևանը Հայաստանում գործում է արդեն 1 տարի, և հունիսի 13-ին Կոնգրես հյուրանոցում (Best Western Congress Hotel) տեղի ունեցավ Fryday Երևանի 1-ամյակին նվիրված միջոցառումը։
Fryday-ը մի հարթակ է, որն առաջարկում է գործարար մարդկանց շփման ազատ և ոչ ֆորմալ ձևաչափ: Հիմնական գաղափարն այն է, որ անգամ այս բարձր տեխնոլոգիաների դարում, երբ գոյություն ունեն բազմաթիվ առցանց հարթակներ, որտեղ կարելի է ձեռք բերել նոր ընկերներ և նույնիսկ գործընկերներ, ոչինչ չի կարող փոխարինել անձնական շփմանը՝ նոր կապերի, իրական համագործակցության և վստահության ձևավորման համար։ Այն գործում է արդեն մոտ 22 երկրներում և 30 քաղաքներում։ Fryday-ը հնարավորություն է տալիս հանդիպել մեկ վայրում, նոր կապեր հաստատել, շփվել հետաքրքրիր մարդկանց հետ և հաճելի երեկո անցկացնել: Բացի այդ Fryday–ի միջոցառումների ժամանակ գործարարները հնարավորություն են ունենում ներկայացնել իրենց ընկերությունը, կիսվել նոր գաղափարներով և ստեղծել նոր համագործակցություններ:
Երևանում Fryday-ին միացել են արդեն բազմաթիվ մարդիկ։ Fryday Երևանի միջոցառումները տեղի են ունենում Երևանի կենտրոնում գտնվող սրճարաններում, հյուրանոցներում:
